راجع حساباتك$$$

نزعل ونتكبّــر وحنا من الطيـــن ..
والكل منا صــــدّ لاأقبل خويّــه ...!
نفخر نقول إنا على الصد قاوين ..
وهــــي علينا في الحقيقــــة قـــويه ...!!
نشفق على الطيبة وكسب الكريمين ..
وهذي بنا لاشك فعــــلة رديـــــــه ..!!
ننسى نهايتنا وعلى وين ماشيــــن ..
وننسى الزمان اللي جمعنا ســـــــويه ..!!
المشكلة .. ماهي بـ حاجة لتخمين ....
ولاهي بعد ياناس صعبـــــة القضيـــه ..!!
دق الرقم : كيفك .. هلا فيك ... وأهليــن ...
أنــا الخـــوي اللـي مـــــزعّــل خويــــه ....!!
قلّه : تغيب وصـــورتك .. داخل العين ..
ويبقــى لـحبك في خفـــوقي بقيــــــــه ..!!
"أخوان حنا لو يجي بيننا شيــن ...
و مانفتــــــرق دام المحبـــــــة نديــــه" ....!!
خلك قــوي لاتحتــــكرك الشياطين ....
قبل الفوات وقبل وقت المنيــــــــــــــه ..!!
كلّم خويــك باطيب الهرج واللين ...
وأعرف جميل الهرج يمســــح رديـــــــه ..!!
هذي هي الدنيا من الحين لـلحين ..
لابد بين الناس تحصــــــل خطيــــــــه ..!!
ومن لايقدّر غلطــــة أحبابه الحيــن ..
يقــــرأ حـــــروفي ويعتبرها هــديه ...!!
باكر تمر سنين .. وسنين ... وسنيـــــن ..
والــــــكل يرحــــــل في الدروب المــــديـه ..!!
>>صدقني تندم وأذكر حروفنا ... زين ...
تندم على خلك إذا غاب ضيّــــــــــه ..!!
دنيا غريبــــة وأكثر الناس ماشين ..
وكم صــــاحبٍ والله دفنته بايديـــــه ..!!

نعم قصيده في ألامر الواقع
مشكوررررررررررررر